الـ Dependency Injection أو حقن التبعية في Spring Framework
سبرينغ هو فريم وورك أو إطار عمل مفتوح المصدر خاص بلغة جافا لإنشاء مواقع وتطبيقات الويب. ومن المميزات ديالو هي تبسيط عملية تطوير هاد البرامج والتطبيقات وكذلك test ديالها.
أيضا من مميزات إطار سبرينغ المهمة هو الإعتماد ديالو على مبدأ عكس التحكم IoC. والتطبيق ديال هاد المبدأ فسبرينع سميتو Dependecy Injection أو حقن التبعية.
فهاد الدرس يغيت نشرح ليكم هاد المبدأ.. هاد المبدأ هو أعمق من الشرح ديالي، لكن الغرض ديالي هو نعطي عليه فكرة مبسطة.
مبدأ حقن التبعية هو واحد المبدأ بسيط فالفهم ديالو وفنفس الوقت مهم جدا باش نفهو طريقة عمل سبريغ.. لذلك نقدر نقول ليكم بلي إذا فهمتو هاد المبدأ، العمل بالفريموورك ديال سبرينغ غادي يجيكم ساهل بزاف.
وباش نشرح ليكم مفهوم حقن التبعية خاص تعرفو بلي سبرينغ هو لي كيتحكم فإنشاء الobjects ديال جافا وهو لي كيمررهم لينا.. باش نشرح ليكم أكثر هاد المفهوم غادي نعطيكم مثال: مثلا حنا فجافا ملي كنبغيو كنخدمو بواحد الكلاس، وفهاد الكلاس يقدر نكونو مديكلاريين فيها objects أخرين.. هادوك الobjects بذاتهم كيتسماو dependencies أو التابعين ديال هاد الكلاس.
وفالكثير من الأحيان باش البرنامج ميعطيناش شي error خاص ضروري نكونو نشأنا Instance ديال هاد الكائنات التابعة لهاد الكلاس.
شنو العلاقة ديال هاد المثال بحقن التبعية فسبرينغ؟ كيفما قلت ليكم سابقا، العلاقة هي أن سبرينغ هو لي غيتكلف لينا بإنشاء هاد الكائنات وهو لي غيمررهم لينا ملي نحتاجوهم.
سبرينغ باش يقوم بهاد العملية عندو واحد الـ container أو ِContext لي نقدرو نعتبروه بحال شي صندوق أو حاوية لي فيها غادي يخزن الObjects لي كنديكلاريو عليهم فشي كلالس. وملي غادي نحتاجو شي Object سبرينغ غادي يوفرهم لينا. وهذا بالضبط هو مفهوم عكس التحكم وبالتالي مفهوم حقن التبعية. أي أن الفريمورك هو لي كيتحم لينا فإنشاء الكائنات وحنا كنركزو فقط على تطوير تطبيق الويب.
فهاد الفيديو حاولت نشرح أكثر هاد الموضوع بشكل نظري:
